റേഷന്കാര്ഡുടമകള് പ്രതിഷേധ ധര്ണ്ണ നടത്തി
17/11/2017
വല്ലകം പള്ളിക്കുസമീപത്തെ റേഷന് കടയുടെ മുന്നില് കാര്ഡ് ഉടമകള് നടത്തിയ പ്രതിഷേധ ധര്ണ.
വൈക്കം: വല്ലകം പള്ളിക്കുസമീപത്തെ റേഷന്കടയെ ചാലപ്പറമ്പിലെ റേഷന് കടയുമായി ബന്ധപ്പെടുത്തി പ്രവര്ത്തിപ്പിക്കാനുള്ള സിവില് സപ്ലൈസിന്റെ തീരുമാനത്തിനെതിരെ പ്രതിഷേധം ശക്തമാകുന്നു. കഴിഞ്ഞ 55 വര്ഷമായി വല്ലകത്ത് നടത്തി വന്നിരുന്ന 35-ാം നമ്പര് റേഷന് കട കഴിഞ്ഞ അഞ്ചുദിവസമായി ലൈസന്സിയുടെ മരണത്തോടെ റേഷന് വിതരണം നിലച്ച അവസ്ഥയാണ്. റേഷന് വിതരണം തുടരുന്നതിനുവേണ്ടി സപ്ലൈ ഓഫീസറുടെ ഉത്തരവ് പ്രകാരം ചാലപ്പറമ്പിലുള്ള 30-ാം നമ്പര് റേഷന് കടയുമായി ബന്ധപ്പെടുത്തി പ്രവര്ത്തിപ്പിക്കാനുള്ള തീരുമാനത്തിനെതിരെയാണ് ശക്തമായ പ്രതിഷേധവുമായി കാര്ഡ് ഉടമകള് രംഗത്തെത്തിയിരിക്കുന്നത്. 562 റേഷന് കാര്ഡുള്ള ഈ കടയിലെ ഉപഭോക്താക്കള് ഒരു കിലോമീറ്റര് ദൂരം യാത്ര ചെയ്ത് മറ്റൊരു കടയില് എത്തി റേഷന് സാധനങ്ങള് വാങ്ങുവാന്. മാത്രമല്ല 30-ാം നമ്പര് കടയിലെ ഉപഭോക്താക്കള്ക്കും പുതുതായെത്തുന്ന കാര്ഡ് ഉടമകള്ക്കും കൂടി യഥാസമയം റേഷന് വിതരണം നടത്താന് സാധിക്കാത്ത അവസ്ഥ ഉണ്ടാകുമെന്ന ആശങ്കയും ഉണ്ട്. ഈ തീരുമാനത്തിനെതിരെ വല്ലകത്തെ റേഷന് കടയുടെ മുന്നില് കാര്ഡ് ഉടമകള് പ്രതിഷേധ ധര്ണ നടത്തി. ധര്ണയില് പി.എസ് മോഹനന്, സി.പി കുഞ്ഞപ്പന്, പി.കെ ദിവാകരന്, കെ.കെ കുട്ടപ്പന്, ഷീല ശശിധരന്, സി.ജി സഹദേവന്, കെ.പത്മനാഭന്, പി.എന് വിശ്വംഭരന് എന്നിവര് പ്രസംഗിച്ചു.