ജനസേവന കേന്ദ്രം പ്രവര്ത്തനമാരംഭിച്ചു
17/11/2017
വൈക്കം നഗരസഭയില് 5-ാം വാര്ഡില് അനുവദിച്ച ജനസേവന കേന്ദ്രം സി.കെ ആശ എം.എല്.എ ഉദ്ഘാടനം ചെയ്യുന്നു
വൈക്കം: വില്ലേജ് ഓഫീസ് മുതല് മന്ത്രി മന്ദിരത്തില് നിന്ന് വരെ ലഭിക്കേണ്ട സര്ട്ടിഫിക്കറ്റുകള് ഓണ്ലൈന് സംവിധാനത്തില് പൊതു ജനങ്ങള്ക്ക് എത്തിച്ച് കൊടുക്കുന്ന ജനസേവന കേന്ദ്രം നഗരസഭ 5 -ാം വാര്ഡില് പുളിഞ്ചുവടില് ശിവശക്തി ബില്ഡിംഗില് സി.കെ ആശ എം.എല്.എ ഉദ്ഘാടനം ചെയ്തു. കേന്ദ്ര സര്ക്കാരിന്റെ ഡിജിറ്റല് ഇന്ത്യ സര്വ്വീസ് സംവിധാനത്തിലുള്ളതാണ് ഈ സൗകര്യം. നഗരസഭ ചെയര്പേഴ്സണ് എസ്.ഇന്ദിരാദേവി അദ്ധ്യക്ഷത വഹിച്ചു. ജില്ലാ മാനേജര് സുരേഷ് ആര്.പിള്ള, ഡിവിഷന് മാനേജര് രാജി സുരേഷ്, സെന്ട്രല് പ്രൊമോട്ടര് ബേബി എസ്.പിള്ള, കൗണ്സിലര് എസ് ഹരിദാസന് നായര് എന്നിവര് പ്രസംഗിച്ചു.