അടുക്കള മുറ്റത്ത് കോഴിവളര്‍ത്തല്‍ പദ്ധതിക്ക് തുടക്കമായി
23/09/2017
സത്യാഗ്രഹ സ്മാരക ആശ്രമം സ്‌കൂളില്‍ മൃഗസംരക്ഷണ വകുപ്പ് നടപ്പാക്കുന്ന അടുക്കള മുറ്റത്ത് കോഴിവളര്‍ത്തല്‍ പദ്ധതി പി ടി എ പ്രസിഡന്റ് ഷാജി മാടയില്‍ ഉദ്ഘാടനം ചെയ്യുന്നു
വൈക്കം: മൃഗസംരക്ഷണ വകുപ്പിന്റെ നേതൃത്വത്തില്‍ സ്‌കൂളുകളില്‍ നടപ്പാക്കുന്ന അടുക്കള മുറ്റത്ത് കോഴിവളര്‍ത്തല്‍ പദ്ധതിക്ക് സത്യാഗ്രഹ സ്മാരക ആശ്രമം ഹയര്‍ സെക്കന്ററി സ്‌കൂളില്‍ തുടക്കമായി. മുട്ട ഉല്‍പ്പാദനം വര്‍ദ്ധിപ്പിച്ച് പോഷകാഹാര ദൗര്‍ബല്യം കുറയ്ക്കുകയാണ് ലക്ഷ്യം. ഒരു കുട്ടിക്ക് 5 കോഴിയും തീറ്റയും, മരുന്നും നല്‍കി. പി ടി എ പ്രസിഡന്റ് ഷാജി മാടയില്‍ വിതരണോദ്ഘാടനം നടത്തി. പ്രിന്‍സിപ്പാള്‍ കെ വി പ്രദീപ് കുമാര്‍ അധ്യക്ഷത വഹിച്ചു. വി എച്ച് എസ് ഇ വിഭാഗം പ്രിന്‍സിപ്പാള്‍ പി ആര്‍ ബിജി പദ്ധതി വിശദീകരിച്ചു. സീനിയര്‍ വെര്‍ട്ടിനറി സര്‍ജന്‍ ഡോ. പി കെ സന്തോഷ് കുമാര്‍, ആന്‍ മാത്യു, ബി ചന്ദ്രശേഖരന്‍നായര്‍, അധ്യാപക പ്രതിനിധികളായ പ്രിയ ഭാസ്‌ക്കര്‍, കെ പി സീനമോള്‍ എന്നിവര്‍ പ്രസംഗിച്ചു.