കഞ്ചാവ് വില്പന നടത്തി വന്നിരുന്നയാളെ വൈക്കം ഷാഡോ പോലീസ് അറസ്റ്റ് ചെയ്തു.
20/07/2017
വിഷ്ണു
തലയോലപ്പറമ്പ്: യുവാക്കള്ക്കും സ്കൂള് വിദ്യാര്ത്ഥികള്ക്കും കഞ്ചാവ് വില്പന നടത്തി വന്നിരുന്നയാളെ വൈക്കം ഷാഡോ പോലീസ് അറസ്റ്റ് ചെയ്തു. ബ്രഹ്മംഗലം വാപ്പാടന്മേല് പൂത്തറ വീട്ടില് വിഷ്ണു അശോകന് (28) ആണ് അറസ്റ്റിലായത്. തമിഴ്നാട്ടിലെ കമ്പത്തുനിന്നും വില്പ്പന നടത്തുന്നതിനായി പ്രതി കഞ്ചാവ് വാങ്ങി വരുന്നുണ്ടെന്ന് വൈക്കം സി ഐ വി കെ ജയപ്രകാശിന് ലഭിച്ച രഹസ്യ വിവരത്തിന്റെ അടിസ്ഥാനത്തില് അഡീഷണല് എസ് ഐ സിറിയക് അഗസ്റ്റിന് ഷാഡോ പോലീസ് എ എസ് ഐമാരായ കെ നാസര്, പി കെ ജോളി, സി പി ഒമാരായ അനില്, മനോജ് എന്നിവര് ചേര്ന്ന് ബുധനാഴ്ച വൈകുന്നേരം പ്രതിയുടെ വീട്ടില് നിന്നും പിടികൂടുകയായിരുന്നു. കഞ്ചാവ് വില്പന നടത്തുന്നതിനായി ചെറിയ പൊതികളാക്കി വെയ്ക്കുന്നതിനിടയിലാണ് പിടിയിലായത്. പ്രതിയുടെ പക്കല് നിന്നും 150 ഗ്രാം കഞ്ചാവ് പിടിച്ചെടുത്തു.