കാളിയമ്മനട ക്ഷേത്രത്തിലെ താലപ്പൊലി ഭക്തിസാന്ദ്രമായി
12/04/2024
വൈക്കം തെക്കേനട കാളിയമ്മനട ക്ഷേത്രത്തിലെ മീനഭരണി ഉത്സവത്തോടനുബന്ധിച്ച് തമിഴ് വിശ്വബ്രഹ്മസമാജം നടത്തിയ താലപ്പൊലിയും കുംഭകുടവും.
വൈക്കം: തെക്കേനട കാളിയമ്മനട ഭദ്രകാളി ക്ഷേത്രത്തിലെ മീനഭരണി ഉത്സവത്തോടനുബന്ധിച്ച് തമിഴ് വിശ്വബ്രഹ്മ സമാജത്തിന്റെ നേതൃത്വത്തില് നടത്തിയ താലപ്പൊലിയും കുംഭകുട അഭിഷേകവും ഭക്തിനിര്ഭരമായി. പരദേവതയായ കാളിയമ്മനട ക്ഷേത്രത്തിലെ ഉത്സവത്തോടനുബന്ധിച്ച് തമിഴ് വിശ്വബ്രഹ്മ സമാജം പതിറ്റാണ്ടുകളായി നടത്തിവരുന്ന പ്രത്യേക ആചാര അനുഷ്ഠാനമാണ് താലപ്പൊലിയും കുംഭകുട അഭിഷേകവും. കവരപ്പാടിനടയിലെ സമാജം ഹാളില് പൂജകള്ക്ക് ശേഷമാണ് താലപ്പൊലി കാളിയമ്മനട ക്ഷേത്രത്തിലേക്ക് പുറപ്പെട്ടത്. ചടങ്ങുകള്ക്ക് വനിതാസമാജം പ്രസിഡന്റ് മഞ്ജു രാജേഷ്, സെക്രട്ടറി അശ്വതി, ട്രഷറര് ശാലിനി ഗിരീഷ്, സമാജം ഭാരവാഹികളായ സുന്ദരം ആചാരി, പി.ടി മോഹനന്, ഗിരീഷ് കുമാര് എന്നിവര് നേതൃത്വം നല്കി.