എയര്ഫോഴ്സ് വെറ്ററന്സ് അസോസിയേഷന് കുടുംബസംഗമം നടത്തി
28/04/2024
എയര്ഫോഴ്സ് വെറ്ററന്സ് അസോസിയേഷന് വൈക്കം ജി.ബി സമ്മേളനവും കുടുംബസംഗമവും മുതിര്ന്ന അംഗം സി.ആര്.ജി നായരും രക്ഷാധികാരി കെ.എന്.ആര് പണിക്കരും ചേര്ന്ന് ഉദ്ഘാടനം ചെയ്യുന്നു.
വൈക്കം: എയര്ഫോഴ്സ് വെറ്ററന്സ് അസോസിയേഷന്റെ വൈക്കം മേഖല ജി.ബി സമ്മേളനവും കുടുംബസംഗമവും നടത്തി. അയ്യര്കുളങ്ങര മല്ലിക ആനന്ദം ഹോം സ്റ്റേയില് നടന്ന സമ്മേളനം മുതിര്ന്ന അംഗം സി.ആര്.ജി നായരും രക്ഷാധികാരി കെ.എന്.ആര് പണിക്കരും ചേര്ന്ന് ദീപം തെളിയിച്ചു ഉദ്ഘാടനം ചെയ്തു. പ്രസിഡന്റ് എന്.എസ് ആനന്ദകുട്ടന് നായര്, സെക്രട്ടറി കെ.മോഹനചന്ദ്രന് നായര്, ട്രഷറര് വേണു രാജപ്പന്, സി.ആര്.ജി നായര്, കെ.എന്.ആര് പണിക്കര്, വൈസ് പ്രസിഡന്റ് ആര് പ്രകാശ് എന്നിവര് പ്രസംഗിച്ചു. കുടുംബാംഗങ്ങള് ചേര്ന്ന് കലാപരിപാടികള് നടത്തി. വിദ്യാഭ്യാസ മേഖലയില് ഉന്നത വിജയം കരസ്ഥമാക്കിയ അപര്ണ പ്രകാശ്, ഗൗരി പ്രമോദ്, ഐശ്വര്യ എസ് നായര്, ഡോ. ആതിര എം നായര് എന്നിവരെ ചടങ്ങില് ആദരിച്ചു.