വൈക്കം: മൂത്തേടത്തുകാവ് ഭഗവതി ക്ഷേത്രത്തിലെ ഉത്സവാഘോഷത്തിന്റെ സമാപനത്തോടനുബന്ധിച്ച് നടന്ന ആറാട്ട് ബലിയും വലിയ കുളത്തിലേക്കുള്ള ആറാട്ട് എഴുന്നള്ളിപ്പും ഭക്തിസാന്ദ്രമായി. ഭഗവതിയുടെ തിടമ്പ് വാദ്യമേളങ്ങളുടെ അകമ്പടിയോടെ ആനപ്പുറത്ത് എഴുന്നള്ളിച്ചു. തന്ത്രി മോനാട്ടില്ലത്ത് കൃഷ്ണന്‍ നമ്പൂതിരി, മോനാട്ടില്ലത്ത് ചെറിയ കൃഷ്ണന്‍ നമ്പൂതിരി, മേല്‍ശാന്തി എ.വി ഗോവിന്ദന്‍ നമ്പൂതിരി എന്നിവരുടെ മുഖ്യകാര്‍മികത്വത്തിലാണ് ആറാട്ട് ബലിയും ആറാട്ട് ചടങ്ങും നടത്തിയത്. ക്ഷേത്രം മുഖ്യകാര്യദര്‍ശി എ.ജി വാസുദേവന്‍ നമ്പൂതിരി, ഊരാഴ്മ ഇല്ലക്കാരായ ഇണ്ടംതുരുത്തി ഹരിഹരന്‍ നമ്പൂതിരി, മുരിഞ്ഞൂര്‍ ഇല്ലത്ത് സുബ്രഹ്‌മണ്യന്‍ നമ്പൂതിരി, ആനത്താനത്ത് ഇല്ലത്ത് ഗോവിന്ദന്‍ നമ്പൂതിരി, ആനത്താനത്ത് ഇല്ലത്ത് ബാലചന്ദ്രന്‍ നമ്പൂതിരി എന്നിവര്‍ നേതൃത്വം നല്‍കി.