വൈക്കത്തെ ജാതി താലപ്പൊലികള് നിര്ത്തലാക്കണം: യുക്തിവാദി സംഘം
25/03/2024
വൈക്കത്തെ ജാതി താലപ്പൊലികള് നിര്ത്തലാക്കണമെന്നാവശ്യപ്പെട്ട് കേരള യുക്തിവാദി സംഘം വൈക്കം ടൗണില് നടത്തിയ സാംസ്കാരിക ഘോഷയാത്ര.
വൈക്കം: ജാതിവ്യവസ്ഥ തിരിച്ച് വരുന്നതിന്റെ സൂചനകളായ വൈക്കത്തെ ജാതി താലപ്പൊലികള് നിര്ത്തലാക്കണമെന്ന് കേരള യുക്തിവാദി സംഘം സമ്മേളനം ആവശ്യപ്പെട്ടു. വൈക്കത്തെ ജാതി താലപ്പൊലികള് അവസാനിപ്പിക്കണമെന്നാവശ്യപ്പെട്ട് യുക്തിവാദി സംഘം സാംസ്കാരിക റാലിയും നടത്തി. തുടര്ന്ന് ബോട്ടുജെട്ടി മൈതാനിയില് നടന്ന സമ്മേളനം കേരള യുക്തിവാദി സംഘം മുന് സംസ്ഥാന പ്രസിഡന്റ് കെ.എന് അനില്കുമാര് ഉദ്ഘാടനം ചെയ്തു. സംസ്ഥാന വൈസ് പ്രസിഡന്റ് അഡ്വ. രാജഗോപാല് വാകത്താനം അധ്യക്ഷത വഹിച്ചു. സംസ്ഥാന കമ്മിറ്റി അംഗം വൈക്കം ബാബു, കെ.എന് ദാസന്, സന്തോഷ് മാധവം, ശൂരനാട് ഗോപന്, പ്രൊഫ.അജയ് ശേഖര്, സണ്ണി.എം.കപിക്കാട്, ജോസഫ് മാത്യൂ, ഹിര കെ.ദാസ് എന്നിവര് പ്രസംഗിച്ചു. ആര്.എല്.വി രാമകൃഷ്ണനെ അധിക്ഷേപിച്ച കലാമണ്ഡലം സത്യഭാമയെ അറസ്റ്റ് ചെയ്യണമെന്ന് സമ്മേളനം ആവശ്യപ്പെട്ടു.