വൈക്കത്ത് എല്‍ഡിഎഫ് തെരഞ്ഞെടുപ്പ് കമ്മിറ്റി ഓഫീസ് തുറന്നു
22/03/2024
എല്‍ഡിഎഫ് വൈക്കം നിയോജകമണ്ഡലം തെരഞ്ഞെടുപ്പ് കമ്മിറ്റി ഓഫീസില്‍ ചേര്‍ന്ന മണ്ഡലം നേതൃയോഗം കേരള കോണ്‍ഗ്രസ് (എം) ചെയര്‍മാന്‍ ജോസ് കെ മാണി എംപി ഉദ്ഘാടനം ചെയ്യുന്നു.
വൈക്കം: ഇടതുപക്ഷ ജനാധിപത്യ മുന്നണി സ്ഥാനാര്‍ഥി തോമസ് ചാഴികാടന്റെ തെരഞ്ഞെടുപ്പ് പ്രചാരണ പ്രവര്‍ത്തനങ്ങളുടെ ഭാഗമായി എല്‍ഡിഎഫ് വൈക്കം നിയോജകമണ്ഡലം തെരഞ്ഞെടുപ്പ് കമ്മിറ്റി ഓഫീസ് തുറന്നു. വലിയകവലയില്‍ പ്രവര്‍ത്തനമാരംഭിച്ച ഓഫീസിന്റെ ഉദ്ഘാടനം സിപിഎം ജില്ലാ സെക്രട്ടറിയേറ്റ് അംഗം അഡ്വ. പി.കെ ഹരികുമാര്‍ നിര്‍വഹിച്ചു. ഓഫീസില്‍ ചേര്‍ന്ന മണ്ഡലം നേതൃയോഗം കേരള കോണ്‍ഗ്രസ് (എം) ചെയര്‍മാന്‍ ജോസ് കെ മാണി എംപി ഉദ്ഘാടനം ചെയ്തു. എല്‍ഡിഎഫ് ജില്ലാ കണ്‍വീനര്‍ പ്രൊഫ. ലോപസ് മാത്യു, നേതാക്കളായ ലീനമ്മ ഉദയകുമാര്‍, ജോണ്‍ വി ജോസഫ്, പി സുഗതന്‍, കെ അരുണന്‍, കെ ശെല്‍വരാജ്, എം.പി ജയപ്രകാശ്, എം.ഡി ബാബുരാജ്, ബെപ്പിച്ചന്‍ തുരുത്തിയില്‍, സുഭാഷ് പുഞ്ചക്കോട്ടില്‍, ഫിറോസ് മാവുങ്കല്‍, കെ.കെ രാജു, സിറിയക് പാലാക്കാരന്‍, കെ.എസ് മാഹിന്‍, ശശിധരന്‍, പി അമ്മിണികുട്ടന്‍ എന്നിവര്‍ പ്രസംഗിച്ചു.