സ്ഥാനാരോഹണവും ക്ഷേമ പദ്ധതികളുടെ പ്രഖ്യാപനവും നടത്തി
18/04/2024
സീനിയര്‍ ചേമ്പര്‍ ഇന്റര്‍നാഷണലിന്റെ ഭാരവാഹികളുടെ സ്ഥാനാരോഹണവും ക്ഷേമ പദ്ധതികളുടെ പ്രഖ്യാപനവും ദേശീയ വൈസ് പ്രസിഡന്റ് എന്‍.ഐ വര്‍ഗീസ് ഉദ്ഘാടനം ചെയ്യുന്നു.
വൈക്കം: സീനിയര്‍ ചേമ്പര്‍ ഇന്റര്‍നാഷണല്‍ വൈക്കം ലീജിയന്റെ പുതിയ ഭരണസമിതി അംഗങ്ങളുടെ സ്ഥാനാരോഹണ ചടങ്ങുകളും മികച്ച പ്രതിഭകളെ ആദരിക്കലും വൈക്കം ലീജിയന്‍ നടപ്പാക്കുന്ന ക്ഷേമ പദ്ധതികളുടെ പ്രഖ്യാപനവും നടത്തി. പുതിയ ഭാരവാഹികളായി കെ.പി വേണുഗോപാല്‍ (പ്രസിഡന്റ്), സാബു വര്‍ഗീസ് (സെക്രട്ടറി), കെ.എന്‍ വിശ്വംഭരന്‍ (ട്രഷറര്‍) എന്നിവര്‍ ചുമതലയേറ്റു. ലീജിയന്‍ കമ്മ്യൂണിറ്റി ഹാളില്‍ നടന്ന സമ്മേളനം ചേമ്പര്‍ ഇന്റര്‍നാഷണല്‍ നാഷണല്‍ വൈസ് പ്രസിഡന്റ് എന്‍.ഐ വര്‍ഗീസ് ഉദ്ഘാടനം ചെയ്തു. വി.കെ ശ്രീകുമാര്‍ അധ്യക്ഷത വഹിച്ചു. പുതിയ പ്രസിഡന്റ് കെ.പി വേണുഗോപാല്‍, സെക്രട്ടറി സാബു വര്‍ഗീസ്, നാഷണല്‍ കോ-ഓര്‍ഡിനേറ്റര്‍ രാജന്‍ പൊതി, പ്രോഗ്രാം ഡയറക്ടര്‍ എം.പി മുരളീധരന്‍, എന്‍ സിദ്ധാര്‍ത്ഥന്‍, ഡി നാരായണന്‍ നായര്‍ എന്നിവര്‍ പ്രസംഗിച്ചു.