അശാസ്ത്രീയ മത്സ്യബന്ധനം തടയുവാന് നടപടി സ്വീകരിക്കണം
07/03/2017
വൈക്കം: വേമ്പനാട്ടുകായലിലും മററ് അനുബന്ധജലാശയങ്ങളിലും കൊട്ടവള്ളങ്ങളിലും മററും നടത്തുന്ന അശാസ്ത്രീയ മത്സ്യബന്ധനം തടയുവാന് നടപടി സ്വീകരിക്കണംമെന്ന് കേരളാ സ്റ്റേററ് മത്സ്യതൊഴിലാളി ഫെഡറേഷന് കോട്ടയം ജില്ലാ കമ്മററി ബന്ധപ്പെട്ട അധികാരികളോട് ആവശ്യപ്പെട്ടു. ജില്ലാ സമ്മേളനം എ.ഐ.ടി.യു.സി ജില്ലാ സെക്രട്ടറി അഡ്വ. വി.കെ.സന്തോഷ്കുമാര് ഉദ്ഘാടനം ചെയ്തു. ജില്ലാ പ്രസിഡന്റ് പി.കെ.രവീന്ദ്രന് പതാക ഉയര്ത്തി. സി.കെ.വിശ്വനാഥന് സ്മാരകത്തില് ചേര്ന്ന സമ്മേളനത്തില് ഫെഡറേഷന് സംസ്ഥാന സെക്രട്ടറി കുമ്പളം രാജപ്പന്, വി.സി.മധു, ടി.എന്.രമേശന്, കെ.ഡി.വിശ്വനാഥന്, മിനി രാജേന്ദ്രന്, കെ.എസ്.രത്നാകരന്, ഡി.ബാബു, സി.എന്.പ്രദീപ്കുമാര് എന്നിവര് സംസാരിച്ചു.