വല്ലകം വനദുര്‍ഗാ ക്ഷേത്രത്തില്‍ തിടപ്പള്ളി സമര്‍പ്പണം നടത്തി
05/05/2024
വല്ലകം പാണാട്ട് വള്ളിയങ്കാവ് വനദുര്‍ഗാ ദേവീക്ഷേത്രത്തിലേക്ക് കറുകേലില്‍ കുടുംബം വഴിപാടായി നിര്‍മിച്ചു നല്‍കിയ തിടപ്പള്ളിയുടെ സമര്‍പ്പണം കറുകേലില്‍ പെണ്ണമ്മ നിര്‍വഹിക്കുന്നു.
വൈക്കം: വല്ലകം പാണാട്ട് വള്ളിയങ്കാവ് വനദുര്‍ഗാ ദേവീക്ഷേത്രത്തില്‍ പ്രതിഷ്ഠാ ഉത്സവവും സര്‍പ്പദൈവങ്ങള്‍ക്ക് തളിച്ചുകൊടയും ഭക്തിനിര്‍ഭരമായ ചടങ്ങുകളോടെ നടത്തി. തന്ത്രി എരമല്ലൂര്‍ വി.ടി ഉത്തമന്‍ മുഖ്യകാര്‍മികനായിരുന്നു. ഉത്സവത്തോടനുബന്ധിച്ച് കറുകേലില്‍ കുടുംബത്തിന്റെ നേതൃത്വത്തില്‍ ക്ഷേത്രത്തിലേക്ക് വഴിപാടായി തിടപ്പള്ളി നിര്‍മിച്ച് സമര്‍പ്പിച്ചു. കുടുംബത്തിലെ മുതിര്‍ന്ന അംഗമായ കറുകേലില്‍ പെണ്ണമ്മ സമര്‍പ്പണ ചടങ്ങ് നടത്തി. കണ്‍വീനര്‍ സോമന്‍ പാണാട്ട്, രമേശന്‍ കറുകേലില്‍, വിജയന്‍ കുഴിക്കാട്ട്ചിറ, രഘു കറുകേലില്‍, രാജു കറുകേലില്‍, എ.സനീഷ് കുമാര്‍, കുമാരി കുഞ്ഞുമോന്‍ എന്നിവര്‍ പങ്കെടുത്തു.