താലപ്പൊലി നടത്തി.
21/04/2018
കൂട്ടുമ്മേല്‍ ഭഗവതി ക്ഷേത്രത്തിലെ ഉത്സവത്തോടനുബന്ധിച്ച് കുലശേഖരമംഗലം 763-ാം നമ്പര്‍ എസ്.എന്‍.ഡി.പി വനിതാസംഘം നടത്തിയ താലപ്പൊലി
വൈക്കം: 129-ാം നമ്പര്‍ എസ്.എന്‍.ഡി.പി ശാഖായോഗത്തിന്റെയും 763-ാം നമ്പര്‍ വനിതാ സംഘത്തിന്റെയും നേതൃത്വത്തില്‍ കൂട്ടുമ്മേല്‍ ഭഗവതി ക്ഷേത്രത്തിലേക്ക് താലപ്പൊലി നടത്തി. ഉത്സവത്തിന്റെ കൊടിയേറ്റിനു മുന്നോടിയായി നടത്തുന്ന താലപ്പൊലി സമര്‍പ്പണം എസ്.എന്‍.ഡി.പി ശാഖയോഗം വര്‍ഷങ്ങളായി നടത്തുന്ന ചടങ്ങാണ്. ശാഖ മന്ദിരത്തില്‍ നിന്നും പുറപ്പെട്ട താലപ്പൊലിക്ക് ശാഖാ സെക്രട്ടറി എന്‍.ശേഖരന്‍, രാജേഷ് തടത്തില്‍, വനിതാ സംഘം പ്രസിഡന്റ് ഷൈലജ ധരണീദരന്‍, സെക്രട്ടറി വിജി രാമചന്ദ്രന്‍, കോമള അശോകന്‍, ലളിതാ രാമചന്ദ്രന്‍, മിനി സുരേഷ്, പൊന്നമ്മ, ജയ വേണുഗോപാല്‍, സുനില, ലൈല എന്നിവര്‍ നേതൃത്വം നല്‍കി. താലങ്ങള്‍ ക്ഷേത്രനടയില്‍ കൊടിയേറ്റിനുശേഷം സമര്‍പ്പിച്ചു.