വൈക്കം: വൈക്കം എസ്.എന്‍.ഡി.പി യൂണിയനിലെ തലയാഴം 120-ാം നമ്പര്‍ എസ്.എന്‍.ഡി.പി ശാഖായോഗം പണികഴിപ്പിച്ചിട്ടുള്ള ക്ഷേത്രത്തില്‍ ശ്രീനാരായണ ഗുരുദേവന്റെയും ശ്രീസരസ്വതി ദേവിയുടെയും, ശ്രീസുബ്രഹ്മണ്യസ്വാമിയുടെയും പഞ്ചലോഹ വിഗ്രഹ പ്രതിഷ്ഠാകര്‍മ്മവും ക്ഷേത്രസമര്‍പ്പണവും നാളെ (21) മുതല്‍ 27 വരെ നടക്കും. 27ന് രാവിലെ 7.30നും 9.30നു മദ്ധ്യേയാണ് പ്രതിഷ്ഠാകര്‍മ്മങ്ങള്‍ നടത്തുന്നത്. പ്രതിഷ്ഠാകര്‍മ്മങ്ങള്‍ ശിവഗിരിമഠം അസ്പര്‍ശാനന്ദസ്വാമികള്‍ നിര്‍വ്വഹിക്കും. ക്ഷേത്രം തന്ത്രി സുരേഷ് മണീട് മുഖ്യകാര്‍മ്മികത്വം വഹിക്കും. എസ്.എന്‍.ഡി.പി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍ ക്ഷേത്രസമര്‍പ്പണം നിര്‍വ്വഹിക്കും. എസ്.എന്‍ ട്രസ്റ്റ് ബോര്‍ഡ് മെമ്പര്‍ പ്രീതി നടേശനും ചടങ്ങില്‍ പങ്കെടുക്കും.