ഗ്രാമപ്രദേശങ്ങളില് കുടിവെള്ളക്ഷാമം രൂക്ഷമാകുന്നു.
17/01/2018
വൈക്കം: വേനല് കടുത്തതോടെ ഗ്രാമപ്രദേശങ്ങളില് കുടിവെള്ളക്ഷാമം രൂക്ഷമാകുന്നു. തലയോലപ്പറമ്പ്, മറവന്തുരുത്ത്, ചെമ്പ്, വെള്ളൂര് പഞ്ചായത്തുകളിലെ ജനങ്ങള് കുടിവെള്ള ക്ഷാമത്താല് വലയുകയാണ്. ശുദ്ധജലവിതരണത്തിനുവേണ്ടി നിര്മാണം ആരംഭിച്ച കുടിവെള്ള പദ്ധതികള് മുടങ്ങിയതും പൈപ്പുകളില് അടിക്കടിയുണ്ടാകുന്ന തകരാറുകളുമാണ് കുടിവെള്ള വിതരണം മുടങ്ങുവാന് കാരണം. മൂവാറ്റുപുഴയാറില് ഓരുവെള്ളം കയറുന്നതുമൂലം കിണറുകള് വറ്റിയതും പ്രശ്നം രൂക്ഷമാക്കി. സംസ്ഥാന സര്ക്കാരിന്റെ അലംഭാവമാണ് കുടിവെള്ള പ്രശ്നം രൂക്ഷമാകുവാന് കാരണമെന്ന് തലയോലപ്പറമ്പ് ബ്ലോക്ക് കോണ്ഗ്രസ് നേതൃസമ്മേളനം ആരോപിച്ചു.