വൈക്കം: ജനമൈത്രി ബീറ്റ് കമ്മറ്റിയുടെയും സൗഹൃദം, ഹരിത റസിഡന്റ്‌സ് അസോസിയേഷനുകളുടെയും സംയുക്താഭിമുഖ്യത്തില്‍ ലഹരിവിരുദ്ധ ബോധവല്‍ക്കരണ സെമിനാര്‍ നടത്തി. വര്‍മ്മാസ് പബ്ലിക്ക് സ്‌കൂളില്‍ വച്ചു നടന്ന സെമിനാര്‍ വൈക്കം ഡി.വൈ.എസ്.പി കെ.സുഭാഷ് ഉദ്ഘാടനം ചെയ്തു. എക്‌സൈസ് ഇന്‍സ്‌പെക്ടര്‍ എസ്.എസ് സാബു മുഖ്യപ്രഭാഷണം നടത്തി. ജനമൈത്രി സി.ആര്‍.ഒ കെ.വി സന്തോഷ്, ബീറ്റ് ഓഫീസര്‍ പി.വി അനില്‍കുമാര്‍, മുനിസിപ്പല്‍ കൗണ്‍സിലര്‍മാരായ ഷേര്‍ലി ജയപ്രകാശ്, ശ്രീകുമാരന്‍ നായര്‍, ബീറ്റ് കമ്മറ്റി ഭാരവാഹികളായ പി.വി ഗോപാലകൃഷ്ണന്‍ നായര്‍, സുരേഷ് മുത്തുച്ചിപ്പി, സന്തോഷ് കുമാര്‍ പി.എം, ഷാജി മാടയില്‍, കെ.രഘുനന്ദനന്‍ എന്നിവര്‍ സംസാരിച്ചു.