മോട്ടോര്‍ പുരയുടെയും പമ്പിംഗ് ഉപകരണങ്ങളുടെയും ഉദ്ഘാടനം നടത്തി
17/11/2017
മുണ്ടാര്‍ 7 -ാം ബ്ലോക്ക് പാടശേഖരത്തിന് ജില്ലാ പഞ്ചായത്ത് നല്‍കിയ മോട്ടോര്‍ പുരയും പമ്പിംഗ് ഉപകരണങ്ങളും ജില്ലാ പഞ്ചായത്ത് മെമ്പര്‍ പി.സുഗതന്‍ ഉദ്ഘാടനം ചെയ്യുന്നു
വൈക്കം: തലയാഴം പഞ്ചായത്തിലെ മുണ്ടാര്‍ 7 -ാം ബ്ലോക്ക് പാടശേഖരത്തിന് ജില്ലാ പഞ്ചായത്ത് ഏര്‍പ്പെടുത്തിയ മോട്ടോര്‍ പുരയും പമ്പിംഗ് ഉപകരണങ്ങളും ജില്ലാ പഞ്ചായത്ത് മെമ്പര്‍ പി.സുഗതന്‍ ഉദ്ഘാടനം ചെയ്തു. വെള്ളപ്പൊക്ക ഭീഷണിയും കൂടെ കൂടെ ഉണ്ടാവുന്ന കൃഷിനാശവും പരിഹരിക്കാനും കര്‍ഷകര്‍ക്ക് പ്രതീക്ഷയോടെ കൃഷിയിറക്കാനും സാധ്യമായി. പഞ്ചായത്ത് പ്രസിഡന്റ് ലിജി സലഞ്ച്‌രാജ് അദ്ധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡന്റ് മായഷാജി, വാര്‍ഡ് മെമ്പര്‍ ഷീജ, കൃഷി ഓഫീസര്‍, എം.എ സിറാജുദ്ദീന്‍, അസിസ്റ്റന്റ് കൃഷി ഓഫീസര്‍ കെ.ജി സുരേഷ്‌കുമാര്‍, പാടശേഖര സമിതി പ്രസിഡന്റ് സനല്‍കുമാര്‍, സെക്രട്ടറി ഡി സോമന്‍, ജിസ്‌മോന്‍, തങ്കപ്പന്‍, ബാബു എന്നിവര്‍ പ്രസംഗിച്ചു.