വൈക്കം: വൈക്കം സെന്റ് സേവ്യേഴ്‌സ് കോളേജ് ആതിഥ്യമരുളിയ സെന്റ് സേവ്യേഴ്‌സ് കപ്പിനുവേണ്ടിയുള്ള അഖിലകേരളാ ഫുട്‌ബോള്‍ ടൂര്‍ണമെന്റില്‍ ഗവണ്‍മെന്റ് കോളേജ് ഓഫ് ഫിസിക്കല്‍ എഡ്യൂക്കേഷന്‍ കോഴിക്കോട് ജേതാക്കളായി. വാശിയേറിയ ഫൈനല്‍ മത്സരത്തില്‍ മൂന്നിനെതിരെ നാലു ഗോളുകള്‍ക്കാണ് ക്രൈസ്റ്റ് കോളേജ് ഇരിങ്ങാലക്കുടയെ പരാജയപ്പെടുത്തിയത്. ക്രൈസ്റ്റ് കോളേജിലെ മുഹമ്മദ് റാസിതിനെ മികച്ച കളിക്കാരനായി തിരഞ്ഞെടുക്കപ്പെട്ടു. വൈക്കം സബ് ഇന്‍സ്‌പെക്ടര്‍ ഓഫ് പോലീസ് എം.സാഹില്‍ സമ്മാനദാനം നിര്‍വ്വഹിച്ചു. കേരളത്തിന്റെ വിവിധ ഭാഗങ്ങളില്‍ നിന്നായി 20 കോളേജു ടീമുകളാണ് മത്സരത്തില്‍ പങ്കെടുത്തത്.