ബധിര അസോസിയേഷന്റെ 31-ാമത് ജില്ലാ സമ്മേളനവും 60-ാമത് അന്താരാഷ്ട്ര ബധിര ദിനാഘോഷവും
23/09/2017
വൈക്കം: കോട്ടയം ജില്ലാ ബധിര അസോസിയേഷന്റെ 31-ാമത് ജില്ലാ സമ്മേളനവും 60-ാമത് അന്താരാഷ്ട്ര ബധിര ദിനാഘോഷവും ''ബധിരസംഗമം 2017'' എന്ന പേരില് തലയോലപ്പറമ്പ് നീര്പ്പാറ അസീസി ബധിരവിദ്യാലയത്തില് ഇന്നു (24ന്)നടക്കും. ബധിരവിവാഹ കൂടിക്കാഴ്ച, ബോധവല്കരണക്ലാസുകള്, സൗജന്യപഠന സഹായ വിതരണം, വിജയികള്ക്ക് അവാര്ഡ് വിതരണം, വിരമിച്ച അധ്യാപകരെ ആദരിക്കല് എന്നിവയാണ് പരിപാടികള്. രണ്ടു ദിവസമായി നടക്കുന്ന പരിപാടിയില് ഇന്ന് വിവാഹ കൂടിക്കാഴ്ച നടന്നു. ഇന്നു രാവിലെ 9.30 മുതല് നടക്കുന്ന ബോധവല്ക്കരണ ക്ലാസുകള് തലയോലപ്പറമ്പ് എ.എസ്.ഐ ഷാജഹാന്, മദര് ചാരിറ്റബിള് ട്രസ്റ്റ് മാനേജിംഗ് ട്രസ്റ്റി അഡ്വ. ഫെബി ലിയോ മാത്യു എന്നിവര് നയിക്കും. ഉച്ചക്ക് 2.30ന് നടക്കുന്ന പൊതുസമ്മേളനം സി കെ ആശ എം എല് എ ഉദ്ഘാടനം ചെയ്യും. കെ ഡി എ ഡി ചെയര്പേഴ്സണ് ലതിക സുഭാഷ് അധ്യക്ഷത വഹിക്കുന്ന യോഗത്തില് വെള്ളൂര് ഗ്രാമപഞ്ചായത്ത് പ്രസിഡന്റ് ലൈല ജമാല് മുഖ്യപ്രഭാഷണം നടത്തും. പഞ്ചായത്ത് അംഗം ആന്സമ്മ, സുഭീഷ്കുമാര്, ഡോ. മുസ്തഫ, സി ലിനറ്റ്, ഷാജഹാന്, സ്മിത മേരി, സന്തോഷ് സി ഇടശ്ശേരി, പി ജെ ജെയിംസ്, സീമ ജെയിംസ്, എന് ആര് സുനില്, ലില്ലിക്കുട്ടി കെ എന് രഘുനാഥന്, ബീന ബെന്നി എന്നിവര് പ്രസംഗിക്കും.
പത്രസമ്മേളനത്തില് ചെയര്പേഴ്സണ് ലതിക സുഭാഷ്, ജനറല് കണ്വീനര് കെ എന് രഘുനാഥന്, എ കെ എ ഡി സംസ്ഥാന ജനറല് സെക്രട്ടറി സന്തോഷ് സി ഇടശ്ശേരില്, പി ജെ ജെയിംസ്, എന് ആര് സുനില്, വനിതാഫോറം പ്രസിഡന്റ് സീമ ജെയിംസ്, ഓര്ഗനൈസിംഗ് സെക്രട്ടറി ബീന ബന്നി, എന്നിവര് പങ്കെടുത്തു.