കുടുംബസംഗമവും സ്കോളര്ഷിപ്പ് വിതരണവും
18/07/2017
നീറ്റ് പരീക്ഷയില് ഉയര്ന്ന റാങ്ക് നേടിയ ആതിര രാധാകൃഷ്ണന് വൈക്കം താലൂക്ക് എന്.എസ്.എസ് യൂണിയന് അംഗം വേണുഗോപാല് ഉപഹാരം നല്കുന്നു.
തലയോലപ്പറമ്പ്: എന്എസ്എസ് തലയോലപ്പറമ്പ് മേഖല കുടുംബസംഗമവും സ്കോളര്ഷിപ്പ് വിതരണവും നടത്തി. 907-ാം നമ്പര് കരയോഗ സരസ്വതി മണ്ഡപത്തില് നടന്ന സംഗമം താലൂക്ക് യൂണിയന് വൈസ് പ്രസിഡന്റ് എസ്. മധു ഉദ്ഘാടനം ചെയ്തു. മേഖലാ പ്രസിഡന്റ് എന്.പി പ്രേംകുമാര് അധ്യക്ഷത വഹിച്ച യോഗത്തില് എസ്.എസ്.എല്.സി, പ്ലസ് ടു പരീക്ഷകളില് ഉന്നത വിജയം നേടിയ കുട്ടികള്ക്ക് യൂണിയന് മെമ്പര് കെ.എസ് സാജുമോന് സ്കോളര്ഷിപ്പ് വിതരണം ചെയ്തു. നീറ്റ് പരീക്ഷയില് ഉയര്ന്ന റാങ്ക് നേടിയ ആതിര രാധാകൃഷ്ണനെ യൂണിയന് മെമ്പര് വേണുഗോപാല് ആദരിച്ചു. ദേവസ്വം ബോര്ഡ് ഇംഗ്ലീഷ് വിഭാഗം മേധാവി കെ.എസ് ഇന്ദു മുഖ്യ പ്രഭാഷണം നടത്തി. എം. അനില്കുമാര്, എസ്.വി സുരേഷ്കുമാര്, കെ.കെ ബേബി, ഗീതാഞ്ജലി എസ്.നായര്, സുകുമാരന് നായര്, ഉണ്ണികൃഷ്ണന് നായര്, സോമനാഥന് നായര്, രാമചന്ദ്രന് നായര്, കെ.പി രാജേഷ് എന്നിവര് പ്രസംഗിച്ചു.