യോഗാദിനം വിപുലമായി ആചരിച്ചു.
22/06/2017
വൈക്കം: പള്ളിയാട് ശ്രീനാരായണ യു.പി സ്‌കൂളിന്റെയും തലയാഴം ഗവണ്‍മെന്റ് ആയുര്‍വേദ ആശുപത്രിയുടെയും സംയുക്താഭിമുഖ്യത്തില്‍ യോഗാദിനം വിപുലമായി ആചരിച്ചു. ഹെഡ്മിസ്ട്രസ്സ് ഇന്‍ ചാര്‍ജ്ജ് ടി ലീന സ്വാഗതമാശംസിച്ച ചടങ്ങ് വിദ്യാഭ്യാസ സ്റ്റാന്റിംഗ് കമ്മറ്റി ചെയര്‍മാന്‍ സന്ധ്യാ അനീഷ് ഉദ്ഘാടനം ചെയ്തു. പരിശീലകന്‍ സുഭാഷിന്റെയും ഡോ. സുനിലിന്റെയും നേതൃത്വത്തില്‍ അഞ്ഞുറോളം കുട്ടികള്‍ യോഗ പരിശീലിച്ചു. പ്രസരിപ്പാര്‍ന്ന ബാല്യത്തിന് യോഗ ചെയ്യേണ്ടത് ആവശ്യമാണെന്ന് ഡോ. സുനില്‍ കുട്ടികളെ ബോധ്യപ്പെടുത്തി. സ്‌കൂള്‍ മാനേജര്‍ പ്രസന്നന്‍ അദ്ധ്യക്ഷത വഹിച്ചു. വാര്‍ഡ് മെമ്പര്‍ ചിഞ്ചു സുനീഷ്, വിമലന്‍, സുഖലാല്‍, പി പ്രദീപ് എന്നിവര്‍ സംസാരിച്ചു.