ശ്രീനാരായണ ഫെസ്റ്റ് തുടങ്ങി.
29/04/2017
എസ്.എന്‍.ഡി.പി യോഗം വനിതായൂണിയന്റെ നേതൃത്വത്തില്‍ നടത്തുന്ന അമൃതം 2017 ശ്രീനാരായണ ഫെസ്റ്റ് യൂണിയന്‍ പ്രസിഡന്റ് പി.വി ബിനേഷ് സമ്മേളനം ഉദ്ഘാടനം ചെയ്യുന്നു
വൈക്കം: എസ്.എന്‍.ഡി.പി യോഗം വനിതാസംഘം വൈക്കം യൂണിയന്റെ നേതൃത്വത്തില്‍ അമൃതം 2017 ശ്രീനാരായണ ഫെസ്റ്റ് തുടങ്ങി. എസ്.എസ്.ഡി.പി യൂണിയന്റെ കീഴിലുള്ള 54 ശാഖായോഗങ്ങളിലെ ഇരുപതോളം ബാല പ്രതിഭകളാണ് മൂന്നു ദിവസം നീളുന്ന കളരിയില്‍ പഠിതാക്കളായി എത്തിയത്. ഗുരുദേവന്റെ കൃതികളും ജീവിതവും പാഠ്യ വിഷയമാക്കിയാണ് ക്ലാസ്സുകള്‍ നയിക്കുന്നത്. നാഷണല്‍ കോര്‍ഡിനേറ്റര്‍ അനീഷ് മോഹനാണ് ക്ലാസ്സ് നയിക്കുന്നത്. എസ്.എന്‍.ഡി.പി യൂണിയന്‍ പ്രസിഡന്റ് പി.വി ബിനേഷ് സമ്മേളനം ഉദ്ഘാടനം ചെയ്തു. വനിതാ യൂണിയന്‍ പ്രസിഡന്റ് മണി മോഹന്‍ അദ്ധ്യക്ഷത വഹിച്ചു. യൂണിയന്‍ സെക്രട്ടറി എം.പി സെന്‍ മുഖ്യപ്രഭാഷണം നടത്തി. ലൈല ചെല്ലപ്പന്‍, കെ.റ്റി അനില്‍കുമാര്‍, പി.പി സന്തോഷ്, രാജേഷ് മോഹന്‍, പി.വി വിവേക്, കെ.വി പ്രസന്നന്‍, പ്രസന്ന ഗുണശീലന്‍ എന്നിവര്‍ പ്രസംഗിച്ചു.