വടക്കുപുറത്തു ഗുരുതി നടത്തി.
25/03/2017
കാളിയമ്മനട ക്ഷേത്രത്തിലെ ഉത്സവത്തോടനുബന്ധിച്ച് നടന്ന വടക്കുപുറത്തു ഗുരുതി
വൈക്കം: കാളിയമ്മനട ഭദ്രകാളി ക്ഷേത്രത്തില് മീനഭരണി ഉത്സവത്തിന്റെ ഭാഗമായുള്ള വടക്കുപുറത്തു ഗുരുതി നടത്തി. തെക്കുപുറത്തു മണ്ഡപത്തില് ഭദ്രകാളിയുടെ 12 കരങ്ങളോടുകൂടിയ ചിത്രം എഴുതി കളംപാട്ട് നടത്തിയ ശേഷമാണ് ദേശ ശുദ്ധിക്കായി വടക്കുപുറത്തു ഗുരുതി നടത്തിയത്. മേല്ശാന്തി മുരളീധരന് മുഖ്യകാര്മികനായി. ശശിധരശര്മ്മ, ശ്രീകുമാര് മുല്ലശ്ശേരിമഠം, വിജയകുമാര് എന്നിവരുടെ നേതൃത്വത്തിലാണ് ഭദ്രകാളിയുടെ വര്ണ്ണകളം എഴുതിയത്. 30ന് രാത്രി 12ന് വടക്കുപുറത്തു വലിയഗുരുതി നടത്തും. ഭദ്രകാളിയുടെ 64 കരങ്ങളോടുകൂടിയ വലിയകളം വരച്ച് അതിലാണ് വടക്കുപുറത്തു ഗുരുതിയുടെ പൂജകള് നടത്തുന്നത്.