പോളശ്ശരി ഭഗവതി ക്ഷേത്രത്തിലെ മീനഭരണി ഉത്സവത്തിന് കൊടിയേറി
25/03/2017
പോളശ്ശരി ഭഗവതി ക്ഷേത്രത്തിലെ ഉത്സവത്തിന് തന്ത്രി ആനന്ദ് വാസുദേവ് കൊടിയേററുന്നു.
വൈക്കം: പോളശ്ശരി ഭഗവതി ക്ഷേത്രത്തിലെ മീനഭരണി ഉത്സവത്തിന് തന്ത്രി ആനന്ദ് വാസുദേവ് കൊടിയേററി. മേല്ശാന്തി ആര് ഗിരീഷ് സഹകാര്മികനായി. അനുഷ്ഠാന വാദ്യങ്ങളുടെ അകമ്പടിയോടെ കൊടിക്കുറയുമായി ക്ഷേത്രത്തിന് പ്രദക്ഷിണം വച്ചശേഷമാണ് കൊടിയേററ് ചടങ്ങുകള് നടത്തിയത്. തിരുവരങ്ങില് കലാപരിപാടികളുടെ ദീപപ്രകാശനം ജയലക്ഷ്മി വിജയകുമാര് നിര്വ്വഹിച്ചു. ഉച്ചയ്ക്ക് അന്നദാനവും വൈകിട്ട് 5 ന് പനമ്പുകാട് മഹിളാസമാജത്തിന്റെ ദേശതാലപ്പൊലിയും നടന്നു. കൊടിയേററ് മുഹൂര്ത്തത്തില് ശ്രീഭദ്ര നാരായണീയപാരായണസമിതിയുടെ ആഭിമുഖ്യത്തില് ബ്രഹ്മകലശത്തിനുള്ള രണ്ട് വെള്ളിക്കുടങ്ങള് താലപ്പൊലിയുടെയും വാദ്യമേളങ്ങളുടെയും അകമ്പടിയോടുകൂടി ക്ഷേത്രനടയില് സമര്പ്പിച്ചു.