കളമെഴുത്തും പാട്ടും തുടങ്ങി.
25/03/2017
കാളിയമ്മനട ഭദ്രകാളി ക്ഷേത്രത്തില് കളംപാട്ടിനായി തെക്കുപുറത്തു മണ്ഡപത്തില് ദേവിയുടെ എട്ട് കരങ്ങളോട് കൂടിയ ചിത്രം വരച്ചപ്പോള്.
വൈക്കം: കാളിയമ്മനട ഭദ്രകാളി ക്ഷേത്രത്തില് മീന ഭരണി ഉത്സവത്തോടനുബന്ധിച്ച് തെക്കുപുറത്തു പ്രത്യേകമായി തയ്യാറാക്കിയ മണ്ഡപത്തില് ഭദ്രകാളിയുടെ പൂര്ണ്ണകായക ചിത്രം വരച്ച് കളമെഴുത്തും പാട്ടും തുടങ്ങി. ഭദ്രകാളി പ്രീതിക്കുവേണ്ടി 13 ദിനങ്ങളിലായി ദേവിയുടെ വിവിധ ഭാവങ്ങളാണ് വര്ണ്ണപ്പൊടികള് കൊണ്ട് വരയ്ക്കുന്നത്. ആചാര്യന്മാരായ ശശിധരശര്മ്മ, ശ്രീകുമാര് മുല്ലശ്ശേരിമഠം, വിജയകുമാര് എന്നിവരുടെ നേതൃത്വത്തിലാണ് കളമെഴുത്തുംപാട്ടും നടന്നത്. വൈകിട്ട് ദീപങ്ങള് തെളിയിച്ച് പൂജകള് അര്പ്പിച്ചശേഷം കളംപാട്ട് തുടങ്ങും. കളംപാട്ടിന് മുന്നോടിയായി വില്പ്പാട്ടും ഉണ്ട്. മീനഭരണി ദിവസമായ 30ന് ഭദ്രകാളിയുടെ 16 കരങ്ങളോടുകൂടിയ ഏറ്റവും വലിയ കളമാണ് വരയ്ക്കുന്നത്്.