ചക്കമഹോത്സവം നടത്തി.
25/03/2017
തോട്ടകം സെന്റ് ഗ്രിഗേറിയോസ് പള്ളിയില് വീട്ടമ്മമാര്ക്കായി നടത്തിയ ചക്കമഹോത്സവം നഗരസഭ ചെയര്മാന് എന് അനില് ബിശ്വസ് ഉദ്ഘാടനം ചെയ്യുന്നു
വൈക്കം: ആരോഗ്യത്തിന് ഹാനികരമായ ഭക്ഷണസമ്പ്രദായങ്ങള് ഉപേക്ഷിച്ച് ആരോഗ്യസംരക്ഷണത്തിന് ഉതകുന്ന ഭക്ഷണശൈലിയിലേക്ക് പുതിയ തലമുറയെ നയിക്കുവാന് തോട്ടകം സെന്റ് ഗ്രിഗേറിയോസ് പള്ളിയില് ചക്കമഹോത്സവം നടത്തി. തോട്ടകത്തെ പള്ളി കേന്ദ്രീകരിച്ചുള്ള ജീവിതശൈലി ജാഗ്രതാമിഷനും ജാഗ്രതാ സര്ക്കിളും പരിപാടിക്ക് നേതൃത്വംനല്കി. ചക്കകൊണ്ട് 300 ലതികം വിഭവങ്ങള് ഉണ്ടാക്കമെന്നു കണ്ടെത്തിയ ആന്സി മാത്യു പരിശീലനക്കളരിയും നടത്തി. ഇരുനൂറിലധികം വീട്ടമ്മമാരാണ് ചക്കവിഭവങ്ങളുടെ പുതിയ അറിവുകള് നേടാന് എത്തിയത്. നഗരസഭ ചെയര്മാന് എന് അനില് ബിശ്വസ് ഉദ്ഘാടനം ചെയ്തു. വികാരി ഫാ. ഫ്രാങ്കോ ചൂണ്ടല് അധ്യക്ഷതവഹിച്ചു. ജഗ്രതാ മിഷന് പ്രസിഡന്റ് ഫാ.തോമസ് ഞാറയ്ക്കല്, ആശ്രമം സുപ്പിരിയര് ഫാ. സെബാസ്റ്റ്യന് നെടിയാനി, ട്രസ്റ്റിമാരായ ജയിംസ് പൊള്ളാനി, തോമസ് ഇത്തിതറ എന്നിവര് പ്രസംഗിച്ചു.